تامر حسني: أنا مش شيخ بس لازم نقاوم النوع ده من الفكر
السبت، 18 يناير 2025 03:14 م
ريهام أبو الخير

تامر حسني: أنا مش شيخ بس لازم نقاوم النوع ده من الفكر
عبر الفنان تامر حسني عن أهمية الصلاة في حياة الإنسان، مؤكدًا أنها كانت من أبرز الأسباب التي ساعدته على تحقيق أحلامه، رغم التحديات التي واجهها. ووجه حسني رسالة لجمهوره ومتابعيه عبر خاصية "الستوري" بحسابه الرسمي على موقع إنستجرام، تحدث فيها بصدق وإلهام عن تجربته الشخصية.
قال تامر: “أنا مش شيخ ولا حد بينصح، لكن بتكلم عن حاجات مريت بيها في حياتي وكانت من أسباب وصولي لحلمي. اتمسك بالصلاة أيا كنت بتعمل إيه، وأوعى تقول ربنا مش هيقبل صلاتي أو تصدق اللي يقولك كده. أوعى تحكم أنت على ربنا وتشك في رحمته، ده غلط كبير. ربنا أكرم وأرحم مما تتخيل، ومهما كانت أخطائك، صلاتك هتساعدك تقلل الأخطاء واحدة واحدة لحد ما تبقى على الطريق السليم”>
العودة إلى الله هي الطريق الصحيح
أكد تامر حسني في رسالته على أهمية التوبة والاستغفار حتى لو تكرر الخطأ، مضيفًا: “مليون مرة تغلط، ومليون مرة ارجع لربنا، المهم تخليه قدام عينك طول حياتك”.
التصدي لضغوط المجتمع
تطرق حسني إلى تأثير ضغوط المجتمع التي قد تجعل البعض يشعرون بالحرج من الحديث عن التزامهم بالصلاة، مشيرًا إلى ضرورة الفخر بهذا الالتزام. قال:"خلي بالكوا، في أفكار بتسوق العالم ناحية إن الشخص المتدين أو الملتزم أو اللي محافظ على صلاته يتكسف يقول ده قدام الناس، لأن ممكن أصحابه يضايقوه بالكلام بما إن الجانب الشيطاني بقى قوي جدًا في العصر ده. بس إحنا لازم نقاوم النوع ده من الفكر، ونفتخر إننا بنصلي وبنركع لواحد بس، وهو الله سبحانه وتعالى".
الثقة في رحمة الله ورزقه
اختتم تامر حسني رسالته بتأكيد أهمية شكر الله والوثوق برحمته، قائلاً: “مهما علي شئننا ومهما عملنا ذنوب، بنركع برضه وبنتوب ونستغفر ونشكره على كل حال. ونطلب منه اللي بنحلم بيه ونثق إنه هيرزقنا، إذا كان بيرزق الجنين في بطن أمه والنملة في جحرها والطيور في السما”.
نسخ الرابط للمقال
آخبار تهمك
تراجع أسعار الفراخ اليوم الخميس 3 أبريل 2025: انخفاض ملحوظ
03 أبريل 2025 02:30 م
انخفاض أسعار الفضة اليوم الخميس 3 أبريل 2025: تقلبات واضحة في الأسواق المحلية والعالمية
03 أبريل 2025 02:21 م
سعر الدولار مقابل الجنيه المصري اليوم الخميس 3 ابريل 2025
03 أبريل 2025 02:06 م
مواعيد عمل البنوك اليوم بعد انتهاء إجازة عيد الفطر
03 أبريل 2025 10:59 ص
أسعار الفراخ البيضاء والبلدي اليوم الخميس 3 أبريل 2025
03 أبريل 2025 08:00 ص
أسعار البنزين والسولار في مصر قبل اجتماع لجنة التسعير اليوم الخميس 3 إبريل
03 أبريل 2025 07:00 ص
الأكثر قراءة
-
مصر تدين انتهاك إسرائيل للسيادة السورية واستهداف عيادة تابعة للأونروا في غزة
-
أسعار البنزين والسولار في مصر قبل اجتماع لجنة التسعير اليوم الخميس 3 إبريل
-
جدول مباريات اليوم الخميس 4 أبريل 2025 والقنوات الناقلة
-
رئيس الوزراء يبحث تعزيز التعاون الاقتصادي مع صندوق النقد الدولي
-
حسام عبد القادر يكتب: مدرسة علاء رفعت الصحفية
أكثر الكلمات انتشاراً