عصام صاصا يبدأ العام الجديد بـ "واكلين المستهبلة".. تعرف على كلماتها

طرح مغني المهرجانات عصام صاصا، من خلال قناته الرسمية على يوتيوب، أغنية جديدة تحمل اسم "واكلين المستهبلة"، وهي من كلمات مصطفى الجن، ألحان فيجو الدخلاوي، توزيع موسيقي كيمو الديب.

كلمات أغنية واكلين المستهبلة لـ عصام صاصا

"واكلين المستهبلة

طب عادي مفيش مشكلة

غلطاتكم متسجلة

جاي حساب الفواتير

اتقلوا هتتكيفوا

وساعتها بقى هتعرفوا

اللي يحن أنا هكرفوا

ما أنا مش شايف تقدير

مشيتها تشوفني هشوفك

متجيش وتقولي ظروفك

أنا هعمل إيه بكسوفك

يا حبيبي صعبت عليا

أسلك علشان اسلكلك

هتحور مش هضحكلك

والله بيبان على شكلك

يا بنى أنا بقراك بعنيا

خليكوا عارفين بس وفاهمين

لقطاتكوا دي مش بنساها

وأن عديتهالكوا ياريت تفهموا

إن أنا عديتكوا معاها

بطلت عتاب وقفلت الباب

اللي موديني في متاهة

ده أنا بدل الصفحة فتحت كتاب

ما بناقص منكوا بلاها

وصلوا للي مفكرني

بزعل على اللي بيخسرني

ما يغور اللى يعكرني

أصلها مش طالبة صداع

والله في حالي أحلالي

مبسوط ومريح بالي

ولا فارقة عزيز ولا غالي

ماشية في كل الأوضاع

اسمع بقى كلمة أخيرة

ما تشغلش الشريرة

هتدور شغلانة كبيرة

خدها نصيحة بقولهالك

اللي قصادك في العند

معروف عنه انه تريند

خليك عامل من الهند

وأنت يا أمور وخيالك

مشكلتك أنك واهم نفسك

عايش دور مش دورك

والله بفصل من الضحك

أنا لما بصدفه بشوف منشورك

خف الأفورة بطل منظرة

فووق للى بقولهولك

والله ما جايبك فعلا ورا

غير حواراتك وغرورك

أخرة تفكيرك فيا

هيجبلك حالة نفسية

ليه شغلت دماغك بيا

طب اديك مبقتش تنام

مليون مرة قايلهالك

أنا حد غير اللي في بالك

طب قابل اللي هيجرالك

بيني وبينك الأيام

فترة وأخليك تتمنى

على رزقك بس استنى

على نار مستني الرنة

ألمح رقمك قدامي

بكره اللي في بالي يحن

واعتبره زبون بيرن

متقوليش حن يا جن

انسى تعوض أيامي

أنا زى الموت مبجيش في العمر

غير مرة ولا بتكرر

كان حلم حياتك أرد عليك

صدفة تشوفني ونتصور

جيتلي في إعجاب من تحت الباب

ودخلت على المتدور

أنا عندى الشات بالأسكرينات

على مين جاي وهتحور"