مي كساب: أقنعت شيماء سيف بعملية تكميم المعدة

كشفت الفنانة مي كساب عن سبب خضوع  الفنانة شيماء سيف  لعملية تكميم معدة، حيث أنها رأت معاناتها خلال التصوير.

وأضافت مي كساب خلال لقائها في برنامج الراديو بيضحك: أقنعت شيماء سيف إنها تعمل عملية تكميم المعدة.. بعد ما رؤية معاناتها خلال التصوير، ولحبها الشديد لها أقنعتها خاصة بعد خضوعها هي للعملية، ورؤيتها لنتائجها الإيجابية معها.
 وتابعت: "أنها لاحظت معاناة شيماء سيف مع السمنة خلال التصوير، قائلة: لما روحت ليها في المسلسل ألف حمد لله على السلامة ضيفة شرف، وإحنا بنعمل أحد المشاهد، شفتها مش مرتاحة قلت لها مالك قالت لي رجلي تعباني، ووصلت لوزن أكتر من لما كنا في بنصور مسلسل أحلام سعيدة.
:وأضافت مي كساب، أن قرار اتخذها لعملية تكميم معدة لم يكن سهلًا عليها، وحينما رأت نتائجه أقنعت شيماء سيف.

وأشارت: أنا كنت خايفة من العملية جدًا والموضوع ده مكانش سهل بالنسبة لي أني آخد قرار كبير زي ده، ولما خدته وشفت العواقب بتاعته وأني ما حصليش حاجة وأني مرتاحة أقنعت شيماء سيف.

وتحدثت مي كساب،  عن الآثار الجانبية للعملية: في آثار جانبية للعملية، ولكن بالنسبة للآثار الجانبية بتاعة التخن ولا حاجة، الشعر بيقع ماشي والجسم بيحتاج شوية فيتامين، العملية بتهذبك غذائيا وبتكون عارف أنت رايح تاكل ايه الأكل بيكون قدامي أنا بروح للمفيد، مش بجري ورا المكرونة والعيش، لأني عارفة إن وجبتي قلت.

وأشارت إلى إنها طمأنت شيماء سيف بكل الطرق وحكت لها تجربتها مع العملية، ورشحت لها الطبيب الذي تابعت حالتها معه، قائلة: قلت لها ما تخافيش وأنا هفضل معاكي، وحكيت لها كل اللي حصلت لي من وقت ما عملت العملية والعملية مفيهاش خطورة ولا حاجة، ورشحت لها نفس الدكتور وقلت لها لازم تعملي كده علشان صحتك.