تامر حسني يكشف سر نجاحه في عالم الفن والغناء.. ماذا قال؟

كشف النجم تامر حسني عن ذكرياته مع تأليف وتلحين أغانيه في بداياته والتحديات التي واجهها في نجاحه، وذلك عبر حسابه الرسمي على موقع تبادل الصور والفيديوهات   «إنستجرام» .

وسرد تامر حسين قصة التلحين والتأليف، قائلًا" زمان وأنا ببدأ حياتي مكنتش ناوي إني أصمم أكتب أغانيا و ألحنها عملت أول لحن في حياتي لأغنيه إسمها راحت حبيبتي في ألبوم تامر و شيرين و إنتوا عارفين الألبوم ده إزاي نجح و كل أغانيه نجحت و كانت الأغنيه كلمات الشاعر الكبير بهاء الدين محمد طلع صحفي ينتقدني و كتب هو أنت لحقت تنجح عشان تلحن … فسألت نفسي هو كتب كده ليه مع إن الأغنيه من أنجح أغاني الألبوم و أكتر اغنيه ساعتها أثرت في الشباب ،، فسألت هو مين الصحفي ده طلع صاحب مطرب معين فعرفت إنه يمكن يكون غيران شويه و خلاص".

واضاف تامر حسني في حديثه قائلًا": بعد شويه نزلت أغنية عيونه دار و كسبت مسابقه كبيره جداً في مصر ساعتها على نجوم اف إم و أخدت لقب أغنية القرن فطلع نفس الصحفي كتب إنت مصمم تلحن ليه تخيلوا أغنيه حاصله على لقب أغنية القرن و بتتحارب !!! من هنا خدني الحماس أدور جوه نفسي و أركز جامد إني أغيظه و مش بس ألحن لاء أنا هلحن و هكتب أغانيا و فعلاً من قلبي بشكر الصحفي و المطرب اللي خلاه يكتب كده لآن لولاهم مكنتش عملت الأغاني اللي هذكرها دي و مكنتش هبقى في مكانتي دي و ياريت تركزوا إنهم كلهم كلامي و لحني عشان في ناس كتير متعرفش
نور عيني .. كل مره .. لما بتكون بعيد .. أنا مش عارف اتغير .. يا بنت الايه .. قسمه و نصيب .. هي دي .. أنا ولا عارف .. يا تاعبني .. ضحكتها مبتهزرش .. ماتوصينيش .. إرجعلي .. ميحرمنيش منك .. الله يباركلي فيك .. صوتِك .. بغير عليها .. اسكتي .. حرقة دم .. زي الايام دي .. تليفوني رن .. سي السيد .. 100 وش .. هدلعني …

وأضاف" طبعاً لسه في أغاني كتير بس دول اللي حضروا في ذهني دلوقتي و لما لحنت و ألفت لغيري كانوا أغنيتين
قوم اقف وانت بتكلمني لبهاء و بص بقى لشيرين 
كل دول كلماتي و ألحاني تخيلوا بقى قد إيه الصحفي ده و المطرب اللي زقه عليا فادوني في مستقبلي قد إيه كلمه جارحه المقصود منها تحطيمي بكرم ربنا أقدر أحوّلها لأحد الأسباب اللي تخليني أنجح و أكمل ٢٠ سنه من كلامي و ألحاني بكتب البوست ده عشان عارف إن كتير مننا بيسمع كلام مُحبط كل يوم فا بلفت نظره إنه عنده فرصه كل يوم إنه يسمع كلمه تضايقه عشان يحولها لطاقة نجاح عظيمه تفرق في مستقبله و حياته".

تامر حسني، أحد أشهر الفنانين في العالم العربي، يتميز بأداء حفلاته بأسلوب احترافي وجاذب. يمتاز النجم المصري بتنظيم حفلات غنائية ضخمة تُقام في مختلف الدول العربية والأجنبية، حيث يستقطب حشوداً كبيرة من معجبيه. تشمل حفلاته مجموعة متنوعة من الأغاني التي تتضمن أشهر أعماله مثل "عمري ابتدا" و"قرب كده"، بالإضافة إلى مجموعة من الأغاني الجديدة التي تثير الحماس.

اقرأ أيضاً.. ياسمين عبد العزيز 

عادةً ما يتم تحضير حفلات تامر حسني بعناية فائقة، مع تجهيزات صوتية وضوئية متطورة لضمان تجربة ممتعة للجمهور. يحرص على تقديم عروض تتسم بالحيوية والتفاعل المباشر مع الحضور، مما يجعل حفلاته أحداثاً مميزة وذكريات لا تُنسى لجمهوره.

تامر حسني أيضاً يشارك في حفلات خاصة ومناسبات مميزة، حيث يتم دعوته لإحياء حفلات الزفاف والمناسبات الكبرى، مما يبرز مدى تنوع وتعدد أنشطته الفنية. بفضل نجوميته وشعبيته الكبيرة، تعتبر حفلات تامر حسني دائماً من أبرز الأحداث الفنية في المنطقة، ويحرص العديد من عشاق الموسيقى على حضورها للاستمتاع بأداءه المبهر والطاقة الإيجابية التي ينقلها إلى المسرح.