خاص| فتوح أحمد: سيطرة الأندية الكبرى وغياب التخطيط تسببت في تدهور الرياضة المصرية

أزمة الرياضة المصرية ليست مجرد كرة قدم، بل هي انعكاس لخلل أعمق في منظومتنا الرياضية بأكملها. فشلنا في تحقيق نتائج ملموسة على المستوى الدولي، وسيطرة الأندية الكبرى على المشهد الرياضي، وعدم وجود تخطيط استراتيجي طويل الأمد، كلها عوامل ساهمت في تدهور الرياضة المصرية. يجب أن نخرج من دائرة الاتهامات والشتائم، وأن نجلس معًا لنناقش المشكلة بعمق، ونضع حلولًا جذرية. فهل نحن مستعدون لإنقاذ رياضتنا قبل فوات الأوان؟

 علق الفنان فتوح أحمد فى تصريح خاص لموقع المصرى الآن عن خسارة المنتخب المصري قائلا : باختصار هي المسألة ليست كرة القدم فقط، المسألة الرياضة عموما، بمعنى أنه في الحقيقة المسألة تحتاج إلى انتفاضة في جميع الألعاب، وليست كرة القدم فقط . 
حتى جميع الألعاب الأخرى التى كنا منتظرين منها ميداليات لم يتحقق شئ، واضح إن إحنا ماشيين بالبركة، يعني الرياضة علم والرياضة دراسة والرياضة يعني يجب أن تكون ناس جديدة بفكر جديد، وتخطيط جديد، وأفكار جديدة، يجب أن تكون هذه  المسألة في كل المجالات، إذا كنا نريد الذهاب إلى الأولمبياد ، كيف نصنع بطل أولمبي من الصغر ونمشي وراه؟ المسألة مش يلا وربنا يكرم ، ربنا يكرم طبعا إنما مش بركاوية، يعني مش بالبركة، ويلا، لا.. المسألة صعبة جدا، المسألة عايزة تخطيط، صح؟ عايزة ناس بتحب البلد دي بجد مش عايزة تستيف ورق.
لا تحتاج إلى شغل بجد. شغل بجد فى كل شئ يعني تعملي أبطال أولمبيين تروحي للوادي الجديد ويذهبون إلى  حلايب وأسوان ويكتشف أبطال في القوة، وفى ألعاب القوى ، وفي كل الألعاب الفردية، الحقيقة عندنا بس اللي يكتشفهم منذ الصغر. لكن المسأله تحتاج إلى مجهود كبير جدا وتحتاج أيضا إلى ناس بتحب البلد بجد وليست ناس تقول تمام يا فندم وكل شئ تمام والحقيقة إن الدنيا ليست تمام وهذه هى الحقيقة يعني. 
وأستكمل : "أما بالنسبة لكرة القدم فدى موال ثاني"، يعني كرة القدم في فشل ذريع على جميع المستويات، يعني المنتخب ده بالحقيقة يعني من أقل المنتخبات موهبة جت في كرة القدم، هم معاهم مدرب كويس وهم أبطال، وهما يعني إللي وصلوا له ده كويس جدا، يعني هما. بس الماتش الأخير ده نتيجة مباراة ، ممكن تحصل مع أي حد مع أكبر الفرق، يعني برشلونة اتغلب سبعة قبل كده، والبرازيل أيضا اتغلبت سبعة على أرضها، مش دي القضية؟ القضية إن أنت لازم تفوق ولازم لو محتاج تصنع كرة قدم ، وتكون كرة قدم صح. يجب أن تتخلص من حاجة إسمها الأهلي والزمالك، لأن هم دول المدمرين للرياضة في مصر، الأهلي طبعا رقم واحد ويليه الزمالك بشوية كثير. 
أنت ليس عندك منافسة ، وليس عندك منافسة بسبب إن واحد بس ومستولي على كل شيء، وبيسيب الفوتات للي بعديه يعني، ففين المنافسة؟ يعني لما يبقى الدوري الخاص بك أسوء رابع دوري على المستوى العالم التنافسي يعنى فين اللي تتكلم فيه؟ لما يبقى حضرتك أنت بقالك من ساعة كورونا ، ومش عارف الدنيا الناس بتخلص وبتبدأ دوليات وأنت لسه مخلصتش الدوري عشان تراضي النادي واحد أصره يعني 16  نادي ولا أكثر؟ قالوا إن زي بقية العالم يعني ونادي أصر إنها تكمل فكملت. وبعد ذلك عندما تتحدث فيقول لك دي الدولة . لا الدولة ملهاش علاقة على فكرة يعني الدولة ملهاش دعوة، مش هي اللي قالت كمل دوري كورونا يعني لا الدولة قالت تستأنف النشاط الرياضي فقط . إنما الجبروت بتاع الأهلي أنه يكمل ويعمل، فدمر الدنيا، فلغاية الوقت ما حدش عارف يعالج ده إلى الآن يعنى، فتخلصوا من سطوة الأهلي والزمالك.
بمعنى أن تتخلصوا واصنع عدالة في المنافسة، بمعنى انه  لا يكون نادي أو ناديين أو ثلاثة مستولين على كل اللعيبة وكل شئ ، وتطالبهم بالمنافسة، وده بيدخل دخل رهيب والآخر لا يحصل على أى دخل ، وده بيقدر يشتري ويجيب، والآخر لا يستطيع ، لا المسألة صعبة جد ا لازم تشوف حلول كثيرة جدا إنه يبقى في تنافس، يعني مش معقول الدول العربية اللي حوالينا يبقى في ثلاث أو أربع فرق، يا جماعة بتنافس على الدوري. وإحنا سنين  كثيرة أوي، الدوري بينتهى من الدور الأول، بمعنى أننا  بنعرف الدوري خلص من الدور الأول، لأ هذه كارثة، هذه كارثة حقيقية، لابد من وجود تنافس  ، لأن الذى يحدث الآن هذا احتكار، بمعنى إن نادي بيحتكر كل شئ ، يحتكر إعلانات، يحتكر كل شيء، ومطلوب من باقى الأندية تنافسه ، طيب إزاي يعني؟ يعني إزاي؟ أنافسه إزاي يعني؟
يعني واحد راكب طيارة ولا راكب عربية أحدث موديل والآخر تديله عجلة، وبتقوله يلا أهو سبق.
وأستكمل : سبق إيه؟ لا لا، لا، المسألة إذا كنا نريد الإصلاح الصحيح ، يجب أن نقعد صح، يجب علينا أن نتخلى عن الصفات السلبيه والتحييز. 
وأستكمل : "و الإعلام عموما من أحد أسباب  تدمير الرياضة أيضا ، الإعلام عموما يعني ، للأسف للأسف بيجري ورا الترند ووراء الذى يكسب الجمهور الفلاني والجمهور العلاني ده مش مظبوط  يعني عشان تجري وراء انك تكسب جزء كبير من الشباب الصغيرين فبتطلع تشتم فى نادى معين أو تقول النادى ده أجدع ناس وأحنا ولا أجدع ناس ولا شئ يبقى فى حاله أستعباط" 
يعني عشان تجري وراء تكسبوا شوية شباب صغيرين فطلعت تشتمي في النادي الثاني ولا تقولي النادينا عاجزة عن ناس، وإحنا مش عاجز على الناس ولا حاجة يعني. احنا من الصعبة يعني.
انما الاعلام لازم ما يبقاش له هويه معينه ، يعني انا  الحقيقة  عندما أشاهد اعلامي في التليفزيون ولا حاجة واعرف هويته لا احترمه ولا اتابعه مره آخرى ، بمعني يعني انت ما هو كلنا كلنا  يعني فيه الاهلاوية والزملكاوية وغير ذلك حتى اللي في الأندية الآخرى. انما حضرتك لما تبقى في اعلام تليفزيون بتخاطب الجميع في قناة عامة مش قناة فى هوية. مش لازم تحسسني انك عشان عايز تكسب رضا نادى معين فتقعد تتكلم عنه وتحسسني انك اهلاوى او زملكاوى . 
يعني ايا كان يعني. حضرتك يعني اه انا عارف ان بالتأكيد لك هوية مثل الحكام. يعنى اقول أن الحكام هم اللي مدمرين. لا بالعكس الحقيقة احنا احسن منظومة عندنا او احسن امل عندنا هم الحكام. احنا عندنا كم حكام كويس جدا. بس للأسف بندمرهم لأنهم ليس لهم ضهر . يعني حكم ييجي على نادي معين يقعد. يقعد في بيتهم. ليه? لان ليس له ظهر ، لان لو الحكم ده عارف ان مفيش نادي هيتحكم فيه. 
هتلاقي عندنا حكام كويسين جدا  وموهوبين جدا . 
تتحسب ازاى؟ تتحسب بعدد الحكام المتميزين عندك والدول اللي حواليك. تلاقى انه يوجد عدد حكام متميزين جدا ، إنما أى حد يتغلب أو أى نادى يتغلب يقول التحكيم فاشل وهذا الكلام. 
فتلاقي الحكام بتضعف بالفعل .
انا عايز اكمل وعايز احكم فمش عايز اجعل النادي ده جبار النادي ده اللي بيجي عليه بيقعد في بيتهم فعلا 
ولهم صوابق من قبل . فتلاقي المسألة. اشترى دماغك  انا عايز يعني دي شغلتي ودي الحاجة اللي بحبها مش عايز اقعد منها. وده المناخ السائد فامشي مع المناخ السائد للأسف يعني. 
فالدنيا عشان تتصلح يجب أن يكون هناك مؤتمر عام وبه جميع الفئات وكل الناس ويتشكل على مستوى الدولة وكل شئ يتقال بمنتهى الصراحه إذا كنا نريد الإصلاح بالفعل فى كل المجالات ، لازم وزير الشباب والرياضة يشكل مؤتمر كبير جدا تحت رئاسة رئيس الوزراء لأن الرياضة شئ مهم جدا جدا بالنسبة للناس 
والموضوع كبير وليس صغير ونتخلص من الوجوه اللي ماسكه في الكرسي ولا تقدم شيء غير إنها بتستف ورق فقط .

كفاية مسكنات لو عاوزين رياضة حقيقى بجد.
إيه يعنى بقالنا سنين كثيرة بنروح إحنا بنفتخر بإننا أكبر بعثة! يعنى إيه أكبر بعثه ؟ أكبر بعثه أها كويس ان هما ذهبوا لكن الأهم أن احنا نحقق ميداليات.
 البحرين جايبة دهب والجزائر جايبة دهب وتونس جايبة دهب ودول في افريقيا لان هم استغلوا اللي
عندهم انهم عندهم شاطرين في العدو وفي الجري أيضا
. استغلوا ده فبياخدوا ميداليات ذهبية. 
انت مش عارف تستغل الامكانيات اللي عندك. انت حتى الالعاب اللي انت شاطرة فيها. مش عارفة يعني جاية كده بالباي لاك " بالحظ" . لا يوجد تخطيط. لازم نخطط صح. من الصغر. من الصغر نحتاج إلى صناعة بطل أولمبي. ايه المشكلة ان انت تروح المدارس الوادي الجديد وفي الصعيد هتلاقي أطفال بتجري وأطفال  نفسها كويس. وأطفال اعصابها جامده . وناس تشوف ده يلعب مصارعة ده يلعب تايكودو ده يلعب ملاكمة ده يجري يلعب ألعاب قوى أو جري.حاجات كتير قوي قوي قوي قوي تتعمل صح بمقاييس علمية صح لما
الأطفال في المدارس الابتدائية دي يبدأو يتربوا اديهم كمان عشر سنين هتلاقيهم حاجه تانيه خالص.
هتلاقي في بنت جايبة دهب عندها ١٤ سنة تقريبا
حصلت على ميدالية ذهب تقريبا فى التزحلق . فاحنا بنهزر انتم عايزين يعني نظهر بعد كل حاجة نعمل الهوجة دي ورأي فلان ورأى علان. ويرجع يقول لك لا اصل ده اهلاوى لا لا اصل ده متطرف اصل زملكاوى اصل مش عارف إيه  لا يبقى كده مش هنصلح حاجه.  لو عايزين نصلح لازم يبقى تحت رئاسة الدولة. زي ما الرئيس كده اصدر قرار بالتحقيق و بتحويل موضوع احمد رفعت للنيابة العامة عشان يطلع القرار الصح لما لقوا الدنيا بتتطبخ ، لازم يبقى تحت رئاسة برضو مؤتمر كل اللي فيه يتقال بمنتهى الصراحة والشفافية  لو بنحب البلد دي.
انما انا هقول على حاجة احنا محدش هم بيطلعوا بس يتاجروا. احنا بنحب البلد احنا مصر اولا . 
مصر اولا ايه!؟ حضرتك احنا مغلوبين ستة سفر وانت بتحتفل بالدورى ! دوري ايه اللي انت بتحتفل به؟ والفرحة والكلام ده واللي مش عارف ايه؟ يبقى مصر مش فارقه معاك.
يعني لما يجي مثلا يقول لك اجلولي ده انا رايح العب فى افريقيا بإسم مصر  . طيب مصر نفسها عايزة لعيبة من عندك مش بتديهم لعيبه  ليه ؟
يعني احنا مشكلتنا اللي جوال اللي جات فينا من قلب الدفاع. قلب الدفاع اللي هو الراجل كان عايز محمد عبدالمنعم او ياسر إبراهيم . والمهم ان محمد عبدالمنعم ده بقاله ثلات أو أربع ماتشات ما بيلعبش. فتيجي تقولي لي انتو انتو كدابين. مصر! مصر ايه مصر لا تفرق معاكم ، الذى يفرق معاكم هو النادي التابع لكم ، وبالمناسبة أنا لا أخص نادي معين. 
و تلاقي لعيبة محترفة برا في اللعبة الوحيدة اللي ربنا نصفنا فيها كرة اليد بالرغم من الكابوة اللي حصلت لهم تلاقي أندية بتحاول تجيب لعبتها اللي برا ، من برا من الاحتراف عشان يكسبوا بعض هنا ايه الخيبة اللي احنا فيها دي ! يعني احنا عايزين نطلع اللعيبة برا عشان يبقى عندنا اكبر عدد كم محترف لان اليد اللي خلانا احنا في مصعف الثمانية الكبارة أو السبعة العظماء 
لان احنا اللاعيبه بيلعبوا برا ان هما بيتدربوا صح وبيتم التغذية بشكل صحيح.
نحتاج أن نفعل ذلك فى جميع الألعاب فى كرة القدم وكرة السلة والكرة الطائرة  لكن متجيش حضرتك بقى علشان خيبة وعلشان عاوز تكسب دورى من نادى آخر اللاعب اللى  يطلع عاوز ترجعه علشان تكسب بيه النادى الآخر فى بطولات محلية ليس لها أى معنى هذه خيبة كبيرة وتيجي تلاقيهم كذابين ويقولك مصر البلد واحنا بلدنا كل ذلك كذب.

وفى الختام طالب الفنان فتوح أحمد بشن حملة بتشكيل مؤتمر بعنوان "إنقاذ الرياضة بمصر " مؤتمر عام تحت رعاية الرئيس ورئيس الوزراء بالتعاون مع وزير الشباب والرياضة ولا يقتصر على الرياضيين فقط يحضر به جميع الفئات وكل الناس حتى مشجعين الدرجة الثالثة اللى يقدروا ولديهم فكر يحضرو واللى لديه رأى يعرضه واللى يكون مسئول عنه ناس محايدين أو ناس بتحب البلد بجد وعندهم ضمير بصرف النظر هما تبع ايه .