شقيق شيرين عبد الوهاب بعد أزماتها الأخيرة: «يا شيخة قومي»

نشر محمد عبد الوهاب شقيق النجمة شيرين عبد الوهاب تعليقا يدعمها من خلاله معنوياً ويشيد بأحدث أغانيها، "بتمنى أنساك" و"اللى يقابل حبيبي"، قائلاً: « أيوة بقى كدة يا شيخة قومي بقى»، وذلك عبر حسابه الرسمي على فيسبوك.

من جانبها، أطلقت المطربة شيرين عبد الوهاب أحدث أعمالها الفنية أغنيتين الأولى تحمل عنوان "بتمنى انساك" والثانية "اللي يقابل حبيبي"، وذلك عبر حسابها الرسمي على موقع التواصل الاجتماعي إكس.
 

تعاونت شيرين عبد الوهاب مع شركة جديدة فى الأغنيتين "بتمنى أنساك"، و"اللى يقابل حبيبى".  

وتبدأ أغنية "بتمنى أنساك"

بمقطع تقول كلماته:

بتمنى أنساك زي ما أنت نسيتني في يوم
بتمنى أنساك وأنسى إن أنا حبيتك يوم
وييجي النوم أو ييجي الموت
بس يسكت صوت الآه والعتاب واللوم
بتمنى أنساك

هو أنا حبيتك ليه؟
صدقت كلام أوهام
وصحيت على نار وآلام
كان قلبي وحيد مرتاح
وإنت اللي مليته جراح
خلتني أحبك ليه
ما دام إنت محبتنيش
وإزاي أنا بموت وتعيش
وعينيك بالليل بتنام.

شيرين عبد الوهاب تتعاون فى أغنية "اللي يقابل حبيبي"، مع الشاعر الغنائي تامر حسين، والموزع الموسيقي توما بينما أغنية "بتمنى أنساك" من كلمات وألحان عزيز الشافعي، وتوزيع توما.

بينما تبدأ أغنية "اللي يقابل حبيبي"

بمقطع تقول كلماته:

اللي يقابل حبيبي سلامي أمانة ليه
لو بيني وبينه إيه
ده مهما كان حبيبي
والبعد الله يجازيه

اللي يقابل حبيبي ياخد صورة معاه
يبعتها من وراه
أسرح في عيون حبيبي
وأحكيله عن الحياة

غريبة الدنيا ديا
تقرب الحبايب
وتلاقي الفرحة جاية
تغرب الحبايب