زوجة عصام صاصا: محدش قبض عليه

علقت جهاد ماهر، زوجة مطرب المهرجانات عصام صاصا، على أزمة زوجها الأخيرة بعد أنباء القبض عليه في قضية دهس أحد الأشخاص على الطريق أدى إلة وفاته فورا.

كتبت جهاد عبر استوري على حسابها الشخصي بموقع التواصل الاجتماعي تبادل الصور والفيديوهات الانستجرام، قائلة:"أكتر حاجة تعباني أني حاولت في الأول أدافع عن عصام أنه مظلوم بس التريند خلاكم متشوفوش الحقيقة ودلوقتي بتقولوا حرام دا مظلوم ليه بيحصل فيه كدا، مش طالبة حاجة غير أن ربنا يرجعه لابنه وبيته".

وتابعت: بس على فكرة محدش قبض على عصام زي الأخبار ما بتنزل، عصام هو اللي نزل عشان القضية بكرا، وكان عامل الفيديو قبل ما ينزل عشان مش عارف هو هيحصل ايه معاه في الجلسة.

وكان المغني عصام صاصا تحدث عن تفاصيل واقعة دهسه لأحد الأفراد على الطريق الدائري، وذلك من خلال منشور عبر حسابه الشخصي على موقع التواصل الاجتماعي فيسبوك.

ونشر عصام صاصا مقطع فيديو، قال فيه: أنا دلوقتي نازل بلدي وممكن يكون هذا الفيديو أخر فيديو ليا، وعاوز أتكلم معاكم في حاجات مهمة، ممكن تجرى لي حاجة، وممكن أتاخد في المطار، أنا عاوز أفهم الناس ايه اللي حصل معي بالظبط علشان الناس مش فاهمة حاجة، أنا كنت راجع من شغلي رايح أجيب ابني أعمله عقيقة أفرح بيه، وأنا راجع في نص الدائري بالظبط ماسك نص الطريق، هو الله يرحمه ويحسن إليه أنا مخبطتوش من على الرصيف زي ما الناس بتقول والخبطة كانت على الشمال مش من اليمين