نجل سليمان عيد: "اللي دفع في خارجة أبويا جنيه واحد يعرفني"

الثلاثاء، 22 أبريل 2025 05:24 م

لمياء علي

أرشيفية

وجه عبد الرحمن، نجل الفنان الراحل سليمان عيد، رسالة شكر مؤثرة لكل من قدم له واجب العزاء وسانده بعد وفاة والده، الذي رحل عن عالمنا يوم الجمعة الماضية إثر أزمة قلبية مفاجئة.

ونشر عبد الرحمن سليمان عيد، عبر حسابه الرسمي على موقع "إنستجرام"، رسالة قال فيها: “شكر الله سعيكم جميعًا.. ملتمسين العذر لكل اللي مقدرش ييجي العزاء ومقدرين ظروف كل اللي كان نفسه ييجي. ربنا يجعله في ميزان حسناتكم ويغفر لأبويا ويرحمه. شكرًا لكل اللي طبطب على قلوبنا أنا وأمي وأختي.”

وأضاف: “شكرًا من قلبي بجد لإخواتي وأصحابي وأساتذتي اللي وقفوا جنبي من أول لحظة وماسابونيش أبدًا لحد دلوقتي. يخليكم ليا ويباركلكم في حياتكم ويديم المحبة بينا يا رب. بحبكم أوي والله، وكل واحد فيكم عارف هو عندي إيه. سامحوني، فيه ناس كتير أوي باعتينلي، وأنا مش عارف أرد على العدد ده. ومحدش يزعل إني مقدرتش أرد، بس والله تسلم إيديكم وعظم الله أجركم جميعًا، والحمد لله على حب الناس.”

واختتم رسالته بطلب مهم قائلاً: “آخر وأهم حاجة ورحمة أبويا الغالي، كل من دفع في خارجة أبويا لحد النهاردة يبلغني بيه عشان يكون مرتاح ومطمن. ولو في حد له عندي أو عند أبويا أي حاجة، أرجوكم يعرفني ضروري.”

يُذكر أن الفنان سليمان عيد توفي بشكل مفاجئ، ما تسبب في حالة من الحزن الكبير داخل الوسط الفني وبين جمهوره، لما كان يتمتع به من خفة ظل وروح طيبة وحضور مميز في العديد من الأعمال الفنية.