كارثية.. نجوم الفن والإعلام يعلقون على خسارة المنتخب الأوليمبي

خسارة فادحة تلقاها المنتخب المصري الأوليمبي، في مباراة النصف النهائي لكرة القدم في دورة الألعاب الأولمبية المقامة حاليا في باريس، بخسارة 6 أهداف مقابل لا شيء من نظيره المغربي.

وعلق النجوم المصريين على هذه الخسارة، واعتبروها فضيحة ثقيلة العيار.

كتب الفنان عزيز الشافعي عبر حسابه بموقع X: «هو ده المنظر اللي كان لازم الكورة المصرية تظهر بيه للأسف
هو ده نتاج المنظومة الكروية الفاسدة ورابطة المصالح والبيزنس، هو ده نتاج اتحاد الكرة الضعيف ولجنة مسابقاته الكارثيه برعاية الحاج !».

وتابع الشافعي:«هو ده نتاج المجاملات و المحسوبية و تفضيل مصلحة نادي على مصلحة منتخب مصر، هي دي نتيجة 10 او 15 شخص هما اللي بيخططوا للكورة من 50 سنة، هي دي نتيجة إعلام موجه و لجنة حكام مرتعشة و انعدام المنافسة الشريفة و انعدام اللعب النظيف، أي مسئول عن الرياضه في مصر أو كرة القدم تحديداً لازم يمشي من مكانه، و ما يترشحش تاني، أنتم ناس فاسدين إلا من رحم ربي
و اللي مش فاسد فهو فاشل أو ضعيف أو إمعه».

وقال الإعلامي أحمد موسى عبر X: «نصف دستة أهداف مغربية في مرمى  منتخب مصر، منظومة رياضية فاشلة، والله الجماهير لا تستحق ما جرى لها من البعثة المصرية المشاركة بعدد 146 لاعب ولاعبة وإنفاق مليار وربع مليار جنية والحصيلة ميدالية برونزية، فشل كبير وصفر كبير واجب المحاسبة والحساب، المنظومة الرياضية كلها فشلت فشلا ذريعا».

وعلق الإعلامي المصري عمرو أديب، تعليقا قاسيا على خسارة المنتخب الأولمبي من المغرب بسداسية، قائلا: «طبعا هنقضي أسبوع قول عشر أيام نحاسب ونندد ونعمل لجان ونطلع توصيات وجايز نمشي مسئول أو اتنين، وفى النهاية هنرجع نجرى ورا الكأس وأخطاء التحكيم وتجاوزات الاتحادات الرياضية.. نفس الفيلم ونفس التمثيلية وترجع المسرحية المملة من أول وجديد مفيش تغيير.. مفيش جديد.. مفيش فايدة».
 

وعبر الإعلامي ابراهيم فايق عن حزنه الشديد لهذه النتيجة، كاتبا عبر حسابه بموقع X: «خسارة كارثية.. فرق واضح في كل حاجة.. احنا ناس بنشتغل اليوم بيومه.. أرزقية على باب الله.. بنفرح باليومية اللي نخدها وبنكسل نشتغل تاني يوم.. ما هي بتيجي بالجدعنة والفهلوة.. أخطط ليه وأرتب ليه واشتغل قبلها بسنين؟!!».

وتابع : «دي أقصى حاجة ممكن تتعمل في حالة اللاتخطيط دي.. جهود فردية من اللعيبة أحيانا.. رغبة تزيد وتقل.. نجاح مدرب بشكل أحادي جدا في ظل مقاومة لكل طلباته.. يعني إنت في حالة العبث دي أخدت كل حاجة تقدر تاخدها».

واستكمل: «مستحيل تقدر تنافس المنظومة الجماعية اللي عندها خطة وأهداف واضحة وشكل ونشأة معينة بيوصل أعلى رتم فيها في البطولات الكبيرة علشان كده بكل تقدير ببارك للمنتخب المغربي.. حقهم وعن جدارة».

وأضاف: «وإحنا خلينا واقعيين مش هيبقى معندناش ونتساوى باللي اجتهد ونظم ورتب لنفسه من سنين.. حزين علشان اللاعيبه بتاعة منتخب مصر الأوليمبي دي والجهاز تعبوا جدا وكانوا يستحقوا ختام أفضل بس مستوعب أنهم اشتغلوا في لا منظومة موجودة من زمان بلا أي نظام.. فالعيب مش هيبقى عندهم أبدا».

وكتب الإعلامي رامي رضوان عبر حسابه بموقع X: «منتخب مصر الأوليمبي قدم مباريات جيدة منذ البداية..لكن كنت اتمنى الا يغادر الأوليمبياد بهذه الإهانة!! أسوأ نتيجة في التاريخ الكروي لمنتخبات مصر!!خسارة خسارة خسارة #فضيحة #كارثة».

وعلق هيثم نبيل على الخسارة، كاتبا عبر حسابه بموقع Facebook: « ٦- صفر ده سكور يمثل اتحاد الكورة المغربي واتحاد الكورة بمصر .. هما عندهم مشروع شغالين عليه من الناشئين للمنتخب الاول واحنا ربنا كرمنا بالمركز الرابع عشان الجهود الذاتية لشباب منتخبنا اللي اجتهدوا علي قد ما يقدروا، لكن لا يصح الا الصحيح .. عندهم منظومة ناجحة تستحق البرونزية .. مبروك لشباب مصر المركز الرابع حققتوا احسن نتيجة في مناخ غير منظم.