كلمات أغنية أنا مبدع لـ محمد رجب من مسلسل الحلانجي رمضان 2025

الجمعة، 28 فبراير 2025 04:02 م

ريهام أبو الخير

مسلسل الحلانجي

طرحت شركة MGR للإنتاج الفني عبر قناتها الرسمية على منصة يوتيوب أغنية جديدة تحمل اسم “أنا مبدع” للفنان محمد رجب من مسلسل الحلانجي المقر عرضه في رمضان 2025، الأغنية من كلمات وألحان مصطفى شكري وتوزيع شيندي وخليل.

كلمات أغنية أنا مبدع لـ محمد رجب من مسلسل الحلانجي

"لو على السمعة وع الصيت اسمي واصل في كل بيت، لساني حلو وعلشان حلو.. من كل حلو أنا اتحبيت، قعدتي حلوة رايق مزاجنجي كلمتي حلوة ومش كلامنجي، بكركبها وتاني أرتبها، مكتوب على باب بيتنا حلانجي، أنا مبدع أنا مبدع شاغل مخك فيك ومصدع، أنا مبدع أنا مبدع وأنت من جوه بتتقطع، علشان واجهة هيبة وتشريف، كاريزما عالية ودمي خفيف، كل ما بدخل أي مكان، تورم الإيد من التسقيف، خاطف قلوب الناس ومهكر، وبين إيدي المر مسكر، خطر خطر ولافت النظر، قايم قاعد فيا تفكر، أنا مبدع أنا مبدع شاغل مخك فيك ومصدع، أنا مبدع أنا مبدع وأنت من جوه بتتقطع، واخد غلاف أخبار اليوم، وباللبناني قالوا مهضوم، من يومين فكرت اتمشى.. قفلوا علشاني طريق الفيوم، طب على فكرة أنا مش كداب طب على فكرة أنا مش فشار بالحب كله عاملي حساب، وليا صورة في كل مطار، أنا مبدع أنا مبدع شاغل مخك فيك ومصدع، أنا مبدع أنا مبدع وأنت من جوه بتتقطع، واخدها مشي لكن سباق، أخوك أصيل وزير الأخلاق من غير لعب واخد بطولات معدي وموقف إشارات، مبسخنش رايق متأني مفيش لسان مبيحكيش عني الطبخة حلوة والكيميا عالية كلمتي وازنة وطبتي غالية، أنا مبدع أنا مبدع شاغل مخك فيك ومصدع، أنا مبدع أنا مبدع وأنت من جوه بتتقطع".

فريق عمل مسلسل “الحلانجي”

محمد رجب، أيتن عامر، محمد لطفي، محمود قابيل، عبير صبري، إبراهيم السمان، أحمد وفيق، وطارق صبري، بالإضافة إلى مؤلف المسلسل محمود حمدان، والمخرج معتز حسام.