تعرف على كلمات أغنية بطلت أحبك لـ "سارة هيثم " التي تعاونت فيها مع روتانا

الإثنين، 10 فبراير 2025 12:48 ص

كلمات أغنية بطلت أحبك لـ سارة هيثم

طرحت شركة روتانا عبر قناتها الرسمية على منصة يوتيوب فيديو كليب أغنية “بطلت أحبك” للفنانة سارة هيثم، وهي من كلمات عمرو سامي، ألحان إسلام زكي.

كلمات أغنية بطلت أحبك لـ سارة هيثم

“بطلت أحبك من بدري وغلاوتك قلت أوي عندي مستغرب ليه بقى من ردي ما أنا كنت معاك ومحبتنيش أنا عارفك تعبان من بعدي ولا سهل تجرب يوم بعدي بعمل زيك أصلك مُعدي وبقيت على نفسي خلاص مبجيش لا براقبك ولا حتى بتابعك ولا بسأل عنك ناس تبعك أخبارك إيه مش فارقالي خلي فضولك دايماً تاعبك تتعب وأنا مالي دي ترجعلك لو بتموت عمري ما هرجعلك شوفت الدنيا أهي لفت تاني وأهو وجعي ده خف أوي بوجعك كنت بضحي وجيت على نفسي لاء سيبني أقول اللي في نفسي بعدك خلاني أخد نفسي ورجعت طبيعي وتاني بعيش الدنيا في قربك ملتها وكرهتها بعد ما حبتها ولا سيرتك تاني بقيت أجبيها أصل اللي يبيعني ميلزمنيش لا براقبك ولا حتى بتابعك ولا بسأل عنك ناس تبعك أخبارك إيه مش فارقالي خلي فضولك دايماً تاعبك تتعب وأنا مالي دي ترجعلك لو بتموت عمري ما هرجعلك شوفت الدنيا أهي لفت تاني وأهو وجعي ده خف أَوي بوجعك”.

يذكر أن سارة هيثم هي موهبة عرفها الجمهور من خلال السوشيال ميديا وبالأخص تيك توك، فغنت العديد من الأغاني الشهيرة بصوت وأداء لافت جعل هذه الأغاني تتصدر التريند من جديد، مثل أغنية “ياما ليالي” لكارول سماحة.