عمر كمال يكشف عن رأيه في الجواز العرفي و الخلفة

أعلن المطرب عمر كمال، خلال لقاء له مع الإعلامية سالي عبد السلام ، من برنامج "حد النجوم" المذاع على القناة “ الأولى” عن مواصفات فتاة أحلامه التي يريد الارتباط بها، ورأيه في الزواج العرفي مؤكدًا أنه يريد أن يتزوج لكن لا يريد أن ينجب أطفال.

وتحدث عمر كمال، خلال لقائه عن فتاة أحلامه قائلًا: "عايزها تكون طيبة وبنت حلال وعايز واحدة شغلها في الحياة عمر، أصل هتشتغل ليه تهتم بيا".

وأوضح عمر كمال، أثناء حديثه عن سبب عدم رغبته في الإنجاب و رأيه في الزواج العرفي، معلقًا: "حبيت مرتين لكن مكنش في نصيب، والجواز العرفي أحسن وكويس لأن الناس بتدخل في كل حاجة بتبوظها".

وواصل عمر حديثه عن الخلفة قائلًا: "أنا مش عايز أخلف مش بحب، عايز يبقى عندي زوجة عيال لأ لأنهم مسئولية ووجع قلب، مسئولية تقيلة أني أجيب حد للحياة وأكون مسئول عن زعله وفرحه ومش هعرف أربيه، أنا مش فاضي أربي ومش هعرف هبقى حنين أوي ومش هعرف أخد موقف، أنا بدلع ولاد إخواتي زيادة عن اللزوم".

وأوضح عمر كمال، سبب عدم رغبته في الخلفة: "أنا مش عايز أخلف عشان لو حبيت انفصل انفصل بسهولة، أنا إنسان مزاجي والشغل بيتحكم في مزاجي جدا وكل يوم بصحى بحال وممكن أغنية أكون منزلها ومتنجحش يبقى مزاجي زي الزفت، وممكن أزعق وأكسر المكان".

وتحدث عمر كمال، في اللقاء عن زميله حمو بيكا، وأكد أنه لابد أن يخوض تجربة التمثيل قائلًا: "حمو بيكا لازم يمثل بيفكرني بالفنان الراحل طلعت زكريا ونفسي يعمل مع الفنان هاني رمزي غبي منه فيه".