أحمد سعد يعرض "البالطو الشهير" في مزاد خيري لدعم مستشفى 57357

حل الفنان أحمد سعد ضيفًا على الإعلامي عمرو أديب في برنامجه "الحكاية"، الذي يعرض على شاشة قناة MBC مصر، وأعلن عن عرض البالطو الذي ظهر به في حفل توزيع جوائز Joy Awards في مزاد خيري لتكون عائداته تبرعًا منه لمستشفى 57357.

صرح أحمد سعد قائلاً: "البالطو بتاعي بقى الأشهر على السوشيال ميديا دلوقتي، أنا عارض البالطو للمزاد بداية من 5 مليون جنيه، وأي دخل من المزاد هيروح لمستشفى 57357".

رد أحمد سعد على الانتقادات بشأن إطلالته

تحدث أحمد سعد خلال اللقاء عن الانتقادات التي وُجهت إليه بسبب إطلالته في حفل Joy Awards، وخصوصًا ارتدائه حلقًا في أذنه، حيث أوضح أن اختياراته تتماشى مع الموديلات والستايلات التي يعتمدها في تلك اللحظة.

وقال أحمد سعد: "الفكرة نفسها بتجيلي من الشكل أو الموديل بتاع الستايل اللي أنا عامله في الوقت ده. بس لما رجعت فكرت، هو صح ولا غلط؟ الناس لما تبص على راجل بحلق أو من غير حلق، دي كلها حاجات مالهاش علاقة بالرجولة. الرجولة حاجة، والذكورة حاجة تانية خالص".

اقرأ أيضًا: منة شلبي ترد على شائعات الزواج الأسطوري وتكشف تفاصيل جديدة 

اعتذار عن الهفوات واستجابة للنقد

كما تناول أحمد سعد موضوع اعتذاره المتكرر عن بعض المواقف التي أثارت الجدل، مؤكدًا أنه يحترم آراء الناس المحيطة به ويتعلم من النقد. وقال: "أنا لما لبست الحلق، الناس انتقدت جدًا، وطلعت اعتذرت. والناس بتقول هو كل شوية يعمل حاجة ويطلع يعتذر؟ أيوه كل شوية هعمل حاجة وأطلع أعتذر، لأننا بشر، بنغلط وبنراجع نفسنا، أنا مش عايش لوحدي، عايش وسط ناس ليهم أراء وأفكار. اللي الناس ترفضه أرفضه، واللي يقبلوه أقبله، أنا بتجيلي هفوات زي أي شخص".