تعرف على كلماتها.. شرنوبي يطرح "مش كتير" وآية عبد الرازق تشاركه الكليب

الأحد، 12 يناير 2025 03:51 م

ريهام أبو الخير

شرنوبي وآية عبد الرازق في كواليس كليب مش كتير

طرح الفنان محمد شرنوني، من خلال قناته الرسمية على يوتيوب، فيديو كليب لأحدث أغانيه الرومانسية، والتي تحمل اسم “مش كتير”، وتشاركه في الكليب الفنانة آية عبد الرازق ملكة جمال مصر لعام 2020.

أغنية مش كتير، من كلمات مصطفى ناصر، ألحان وتوزيع شرنوبي، ميكس وماستر عمار خاطر.

كلمات أغنية مش كتير لـ محمد شرنوبي

“مش كتير اللي أنت شايفه مش كتير، عمري كله يهون وأشوف قلبك بخير، تبقى أول حد عندي وتبقى بردو أنت الأخير مش كتير، من زمان قبل أما اقابلك من زمان وأنت جوه في قلبي متشالك مكان، مش ضروري احكي اللي شايله في قلبي ما اللي في قلبي بان من زمان لو هسيبلك روحي تفضل بين إيديك امتي كان في الدنيا حاجة كتير عليك، لو في نجمة بعيدة وأنت عايزني اجيبهالك هطير مش كتير لو هعيش أكتر من اللي أتعاش سنين مش هقابل زي قلبك مرتين يبقى لما الناس دي تبقى في كفة وانت في كفة غير.. مش كتير، باختصار لما اتقابلنا باختصار اتكتب لليل في قلبي يشوف نهار فرقنا والفرق بين قلبك وبين الناس كبير مش كتير.. مش كتير لو هسيبلك روحي تفضل بين إيديك امتي كان في الدنيا حاجة كتير عليك، لو في نجمة بعيدة وأنت عايزني اجيبهالك هطير مش كتير، لو هعيش أكتر من اللي اتعاش سنين مش هقابل زي قلبك مرتين يبقى لما الناس دي تبقى في كفة وأنت في كفة غير.. مش كتير”.