كلمات أغنية لحظات التجلي.. كريم محسن يطلق أحدث أعماله الفنية

الأربعاء، 08 يناير 2025 07:10 ص

ريهام أبو الخير

كريم محسن يطلق "لحظات التجلي"

أطلق الفنان كريم محسن أحدث أغانيه "لحظات التجلي" عبر قناته الرسمية على موقع يوتيوب، الأغنية من كلمات محمود كلازا، وألحان كريم نيازي، وتوزيع إسلام شوقي، بينما تولى ماهر صلاح مهمة الميكس والماستر.

كلمات أغنية “لحظات التجلي” لـ كريم محسن

"في لحظات التجلي، القمر قرب وماللي
ده اللي سحره كان محلي ومغرقني باهتمام
في لحظات السعادة، ده اللي كان ليه الريادة
خدت جنبه ١٠٠ شهادة في الدلع والانسجام
"أنعم وأكرم يا سيدي، الموضوع مبقاش في إيدي
ده أنت مزيكتي ونشيدي والغنا والارتجال
صورتك برواز في أوضتي، يا اللي متسبب في حيرتي
لو يجيبوا بس سيرتي، هيقولوا ده صياد جمال

في لحظات الهداوة أنت بتوزع حلاوة

واخد الاحساس إتاوه يخربيت اللي احنا فيه

في لحظات الرواقة قلبي ده متساق سواقة

بخته حلو ده اللي لاقي حد زيك يبقى ليه”.

نجاح متواصل بعد "وأنت غايب"
لم تكن "لحظات التجلي" المحطة الوحيدة في مشوار كريم محسن خلال الفترة الماضية، فقد سبق وطرح في نوفمبر أغنية "وأنت غايب" التي حصدت تفاعلًا كبيرًا من الجمهور. الأغنية حملت كلمات حسام سعيد، وألحان عمرو الشاذلي، وتوزيع وميكس وماستر محمد ياسر.
كما لاقت أغنيته "بتحداكي" نجاحًا واسعًا، وهي من كلماته وألحانه، وتوزيع هاني صارو، حيث تميزت بأسلوبها المختلف وجاذبيتها التي أثارت إعجاب المستمعين.
واستكمالًا لنجاحاته، طرح كريم محسن أغنية "بدون مقدماتك"، والتي جاءت لتؤكد الحضور القوي للألبوم. الأغنية من كلمات حسام سعيد، وألحان عمرو الشاذلي، وتوزيع محمد ياسر، بينما شارك مصطفى نصر بعزف الجيتار، وأحمد حسام على التشيلو.