سارة عبد الرحمن: ليه أجيب لبس جديد طالما فيه مستعمل بحالة جيدة

السبت، 04 يناير 2025 02:44 م

ريهام أبو الخير

سارة عبد الرحمن عن شراء ملابسها من الوكالة

كشفت الفنانة سارة عبد الرحمن، عن السبب وراء اختيارها شراء ملابسها من وكالة البلح، سواء كانت للظهور اليومي، أو لإطلالاتها على الريد كاربت في المهرجانات الفنية.

وقالت سارة خلال حديثها مع المذيع مروان قدري في ندوة لها: "أنا طول عمري بروح الوكالة، أو بستعير هدوم من أختي أو بنت خالتي، الوكالة مليانة حاجات حلوة ومختلفة، وبالنسبة لي مش شايفة ضرورة أجيب لبس جديد طول الوقت، طالما فيه مستعمل بحالة جيدة".

وأضافت: "لما بدأت أحضر مهرجانات، حسيت بضغط غريب إن لازم أظهر في كل مرة بإطلالة مكلفة، فقررت ألبس من الوكالة على الريد كاربت، الموضوع أثار ضجة كبيرة وقتها، لكني كنت عايزة أوضح إن ده طبيعي ومفيش مشكلة في إنك تكون بسيط".

وأشارت إلى أن مبادرتها ساعدت في تغيير الفكرة السائدة حول ملابس المهرجانات، مؤكدة: "دلوقتي الوكالة بقت اختيار عادي لأي حد عايز يبان مختلف، واللي عايز يميز نفسه بيروح الوكالة وبيلاقي حاجات حلوة جدًا".

على الجانب الفني، كانت أخر أعمال سارة عبد الرحمن، مشاركتها في مسلسل “لحظة غضب”، الذي عرض في موسم رمضان 2024، وحقق نجاحًا جماهيريًا كبيرًا. المسلسل بطولة صبا مبارك، محمد شاهين، ناردين فرج، وعلي قاسم، وهو من تأليف مهاب طارق، إخراج عبد العزيز النجار، وإنتاج طارق الجنايني.

المسلسل مكون من 15 حلقة، ويدور حول معاناة الشيف (يمنى) من سيطرة زوجها النرجسي (شريف)، وتتطور الأمور في علاقتهما إلى حد الانهيار، فتقرر (يمنى) اتخاذ منعطف آخر لحياتها وتتوالى الأحداث المثيرة وسط تصاعد درامي مشوق.

نسخ الرابط للمقال