ياسمين رئيس: جوزي جابلي الخير ووشه كان حلو عليا

الثلاثاء، 10 ديسمبر 2024 01:00 م

ريهام أبو الخير

ياسمين رئيس من حفل زفافها

حلت الفنانة ياسمين رئيس ضيفة مساء أمس، الاثنين، على الفنانة إسعاد يونس في برنامج صاحبة السعادة، المذاع على شاشة قناة Dmc، للتحدث عن نجاح أعمالها الأخيرة.

وكشفت ياسمين رئيس عن سبب اهتمامها بإقامة حفل زفاف، رغم أن هذه هي الزيجة الثانية لها، فقالت “مش عارفة حسيت احساس غريب، حسيت إني كنت غلطانة، أنا ليه معملش فرح، زمان كان في عنفوان الشباب وتمرد بلا سبب ورفض لفكرة الفرح، حاسه إني كبرت وأفكاري اختلفت وفرحت بوقت الفرح واتبسطت”.

كما تحدثت ياسمين عن مصادفة زواجها، أثناء تصوير فيلم الفستان الأبيض، فسألتها إسعاد “فكرة الفيلم جابت الخير ولا إيه؟”، فردت ياسمين بقول “زوجي جابلي الخير، هو وشه حلو عليا”.

وعن مبادرة التبرع بفستاتين التي أطلقتها مؤخرًا بعد عرض فيلمها الفستان الأبيض، أكدت ياسمين أن الفكرة جائتها بسبب مؤلفة الفيلم، لأنها تبرعت بفستان زفافها لفتاة أخرى، وتابعت"من هنا جت الفكرة، ليه ماديش فستاني لبنت تانية محتاجاه تفرح بيه في أهم يوم في حياتها زي ما أنا فرحت بدل ما الفستان يفضل مركون في الدولاب".

واستعادت ياسمين ذكرياتها، فقالت: “أنا فاكرة إن فستان مامتي الله يرحمها كنت بشوفه موجود في الدولاب ومراحش في حتة، أنا مقتنعة بحتة إعادة تدوير كل حاجة من لبس وورق وغيره، فقولت ليه الفستان بتاعي يفضل متعلق وتعدي سنين من غير ما أستخدمه”.

واستكملت “لما بدأت المبادرة فيه جمعية قررت تتبنى الموضوع ونكبره وتبقى على مدى أكبر ونشجع البنات اللي عندها فساتين فرح مش محتاجاها وعارفة إن فستانها مش هتلبسه تاني ولا هتديه لحد من صحابها أو قرايبها، فتتبرع بيه ونبدأ نفرح البنات”.

نسخ الرابط للمقال