أسماء جلال: كان عندي اكتئاب وخسيت 10 كيلو وشعري وقع.. حبيت من طرف واحد

كشفت الفنانة أسماء جلال، خلال استضافتها في برنامج معكم منى الشاذلي، عن تعرضها للاكتئاب بسبب الانتقادات التي تعرضت لها، حيث كانت شديدة الحساسية تجاه تعليقات الجمهور.

وتطرقت أسماء جلال للحديث عن فترة الاكتئاب التي تعرضت لها في وقت سابق، وأدت إلى خسارتها للوزن بشكل ملحوظ، قائلة: "مرة خسيت عشرة كيلو وده كان اكتئاب، لأن كان فيه حاجة بتتعرض ليا ماكنتش عاجبة الناس وكنت أول مرة وأشوف الانتقادات بعنيا، واكتئبت وخسيت خالص وشعري وقع وقصيت شعري، لأني كنت حساسة جدًا، وبعدين حسيت إن ده مش هيأكل عيش ودلوقتي لقيت نفسي بقول لهم عندكم حق واللي أنتم شايفينه".

وعلقت الفنانة أسماء جلال، على صداقتها بالفنانة جميلة عوض، وذلك بعدما تفاعل رواد مواقع التواصل الاجتماعي بشكل كبير، مع مقطع فيديو رقصها بفرح جميلة.

وقالت أسماء جلال: "جميلة طفلة كبيرة وبريئة وطيبة وبتحب الانبساط والضحك وعندها المبدأ بتاع إحنا في ضهر بعض، وده يخليكي مبسوطة إنك صاحبتها".  

وتابعت أسماء جلال: "تدافع عنك وما تحكيش، وبنكلم بعض كتير أوي لدرجة ساعات مش بنلاقي كلام نقوله، وهي سوسة لما أكون مضيقة بكلمها علشان أضحك فتقولي إنتي مخنوقة صح؟ فتخليني أعيط فجأة لأنها بتحس بيا".

أسماء جلال: حبيت من طرف واحد

وأشارت أسماء جلال إلى أنها سبق لها وحبت من طرف واحد، قائلة: "حصل وحبيت من طرف واحد، قعدت كتير أوي أحب فيه سنين، وهو مكانش عاوزني بإرادته، وكنت صغيرة، هموت وأعرف هو فين دلوقتي".